见着一个罪不至死的人，竟然会因为群众的袖手旁观，而活生生的在我们面前流血至死，竟然还没过深玔河就已经看见这种事，这群人的丑恶，我实在是忍无可忍！
我蓦地松开了中年男子，指着这群人渣，正要开大骂时，
突然，站在前排的yuki（恐怖yuki），竟伸出了右手，颤栗地指向地板，小声道：
……佢果啲…果啲……咩黎架……？
我看跟着yuki指的方向，望回地板上潮童的尸体，正在想她到底在说什么时，蓦地，蹲在旁边的阿信也好像察觉到了点什么，从口袋里拿出了包什么，擦的一声把它打开，
原来是包卫生纸，阿信拿出了张，摊开，往潮童身上抹去，
洁白的卫生纸，给瞬间染红，
此时，背后的中年男子突然大力呼出了口气，兴奋道：
我都话我无打死佢架啦，流得果少少血，无理由会死既，我唔系杀人凶手，我真是不是凶手啊，
我没理会他，而是径自走前细看，
只见倒在血泊中的潮童，满脸是血，上半身都染成为血红色，
可在颈项上，阿信用卫生纸抹过的那个位置下，
原本应该是肉色的人类皮肤，现在，长满了紫紫白白的斑纹……
就在这一刻，我突然有种感觉，认为我们大伙儿都应该愈快逃离这地方愈好，
不然，我有预感，很快，可能比我们想象中还要快…
……我们全部人，都会死在这里。
我看着依旧蹲下来的阿信，思索了回，开口道：阿信。
阿信听到我在叫他，暗暗惊讶了下，用手托了下眼镜，转头看着我，当然，除了他以外，其他大伙儿都对我突然开口叫他感到奇怪，纷纷看着我，
然后，我顿了一顿，继续道：
你可唔可以讲哂你所知道，关于成件事既所有野出黎，我谂，我地系时侯要起程。
episode 26
连续两天，连续给两条尸体毁去了两家茶餐厅，这一刻，我们大伙儿已经再没其他据点了。
不过，我相信这也没差，
既然阿信说他已经找到方法离开，而重点就在于大帽山；那，最简单直接的解决方案，就是大伙儿立即起程去大帽山，逃离这个不属于我们的世界。
可那到底是个什么方法，我也因为接听了阿怡的电话，到现在这一刻的还没听阿信解释。
其实唔算系一个方法；而系，我觉得，我地将会系大帽山上面搵到啲野，可以令我地搞清成件事既来龙去脉。当步出茶餐厅时，走在我旁边的阿信跟我讲。
点解你会有呢个谂法？大帽山呢个idea，系点样得番黎？我安静问道。
说时我拿出了手机，察看现在时间：15：22
此时，大伙儿都已经走出了茶餐厅，众集在外面空无一人的宝乡道上，站在位于大埔乡事委员会对出的一个红绿灯安全岛上，围成一圈。
宝乡道中还是一片宁静，犹如鬼城，没有半点人声与车声；刚刚走出室外，我发觉空气中突然多了某种湿润的感觉，抬头一看，远方天边好像积聚了些厚重的云层，似是快要降雨般。
阿信沉默着，思索了一会，然后深深吸了口气，看着我道：
首先，我要讲一讲我对成件事既睇法，
我看着他，微微点头，示意他继续说下去，
成件事好人工化，真系好人工化，我可以肯定，绝对唔会系任何一种既自然现在而做成既，成件事背后，一定有某种人为操作； 呢点，我系可以肯定既，试问，又点会有任何一种既自然现象，可以合理地解释哂一路发生既所有野？到现时为止，最大既迷团，对我黎讲，就系呢个究竟系一个咩地方，
他说至此时，我不禁打断问道：
言下之意，即系你完全排除咗我地仲系原来果个世界入面既可能性？你觉得，消失既并唔系其他所有人，而系我地？你系咪即系讲紧，我地宜家存在紧既，系一个异空间黎？就好似阿怡比我既果个电话，即系我女朋友，佢讲话我已经消失咗成6年，6年系点样得出黎？
阿信听了我连串疑问，微微点了下头，托了下眼镜，遂步分析：
首先，系呢一刻，我地所知既数据少之又少，老实讲，如果唔系你地话比我听，原来有防毒面具人呢回事，我地四个系中大，根本唔知呢帮神秘人既存在，不过，除此之外，我地都发现咗一样好有趣既野，证明到，我地所在既香港，并唔系原本既果个香港
说罢，阿信举出右手，向上指了一指，道：就系呢样野，
大伙儿立即抬头，随着他所指的方向往上看去 ，只见是根高高瘦瘦的银色灯柱，
两块灯罩中间，T字位的顶端位置上，有点银银白白的反光圆形东西。
我嘴角微微上扬，笑了下。
原来，阿信也留意到这点，聪明。
其实系peter发现先既；我地系中大果时就留意到，点解毎一枝灯柱上面，都有旧咁既野，阿信如是说。
唔通系闭路电视？身旁的中年男人，侧着头的仰望着。
系啰，个样点解咁捻似闭路电视既？ 另一边的小巴司机也说。
我看着这两个不知所谓的人，并向他们投以种不友善，不屑的目光，
阿信继续道：
无错，我地开头都系咁谂，觉得会唔会系闭路电视，不过，当我地再睇真啲果时，就觉得佢唔系一个闭路电视咁简单，
未等阿信说罢，大伙儿已经纷纷涌至灯柱底下，左顾右盼的看着灯柱周围，研究那银色的反光东西到底是什么，
我无暇再理会这群废物，径自向阿信说道：，因为见唔到佢有镜头，其实灯柱上面既呢样野，我之前都已经留意到，不过一直都无为意，
阿信听后点点头，一副原来如此的脸，道：
虽则佢系毎枝灯柱既位置上都有出现，令人好容易就会联想起系用黎监视人既闭路电视，但问题系，无论我地点睇，都系发现唔到佢有任何镜头既存在，
可能系种新式设计既闭路电视？出面全部用啲单面既反光纸掩住，所以先睇唔到佢镜头？就好似，宜家好兴既果种，系天花上面垂落黎既黑色圆波形既球体闭路电视。我说出今早想到的那可能性。
阿信温文儒雅的点了点头，道：
当然系有咁可能，但唔合理，如果系闭路电视，点解要整咁大旧？即使系最传统既闭路电视，体积都一定比佢细，要setup闭路电视，其实插个镜头系度就已经okay，呢旧银色野咁大旧，点睇都唔似系闭路电视，再 者，即使佢系闭路电视，有咩理由会毎枝街柱上面都有？如果系要作为监视用途既话，无可能会夸张到要毎一条街柱上面都有，唔make sense，如果佢系夸张到呢个地步，咁个设计者一定唔会只系放呢种闭路电视上面系灯柱上，而系会放系好多好多其他唔同既地方，例如大厦外墙，什至各个唔 同既室内地点，
可能有，只系我地未为意到？我质疑。
无错，但即使系咁，都仲系唔make sense，如果佢系其他地方都装咗闭路电视，而我地又见唔到，咁果啲闭路电视既体积，什至外形，都一定会同宜家呢只既银色反光shape唔同，可能 系更细，更隐密，所以先令我地反觉唔到佢地既存在，但问题黎喇，既然设计者可以做出种咁隐密既镜头，有咩理由，系街灯呢种咁当眼，咁易见既地方上面，反而会安装上种咁大个既闭路电视，无论系边种方向推断，所得既结果都系唔合理，
同埋佢究竟要监视边个？我地？中年男子突然插嘴问道。
阿信转头望向青年，道：
如果要监视我地，如果佢既目的真系只系用黎监视我地，我觉得，对方无须要大费周张咁装咁多个闭路电视，系我地由中大黎到大埔墟呢度，沿路 途中既毎一枝灯柱上面，我地一直都有见到呢只银色野，就好似毎一条路既毎一枝灯柱，都有安装咗，我觉得，如果对方真系只为咗监视我地咁简单，大可以用 更多其他更有效既方法，而唔会用一种咁浪费成本，咁傻既方便，所以，无论如何，我比较倾向呢样野唔系闭路电视，更同监视无关，个人黎讲，我觉得佢既外 形好似雷达，两者支间，可能会有啲咩野关系都未定，
有无方法可以搵野扔上去，打佢落黎，睇下乜捻野黎架 小巴司机插嘴问道。
此时，一直站在旁边沉默的peter开口说道：
其实，我地四个系中大果时都已经试过去拾啲石仔，谂住扔旧野落黎睇下，但问题系一黎好难扔中，二黎，就系我地真系有几次扔中过，都对旧野无 咩影响，啲石仔好轻易就比佢弹番落黎，旧野好似好硬净，比人镶死在系上面咁，好难话用扔石仔呢啲方法，就可以成功将佢整落黎；不过，
说至此时，peter转身望向阿信，似是想要阿信自己说下去，
阿信托了下眼镜，开口继续讲下去，
其实，我地系第一晚果时，亦即系搭红van果晚，落咗车无耐就已经发现在灯柱上面既呢样野，我一直都对呢样野好在意，觉得佢地既在一定系有某 种意义，直到寻日朝早，光天化日，我地再次研究旧野究竟系咩黎既时候，Jasmine用佢部单反zoom埋灯柱旧野果度，影咗张相，然之后，我地 发现咗啲野，我save咗张图落 iphone，你地可以睇下。
说罢，阿信立即从口袋里拿出了部手机，用手在屏幕上点了几下，开启了点什么，然后，反转手机，平放在掌心，伸前给我们观看，
大伙儿纷纷举头向前，看个究竟，
手机上显示的是张照片，照片似是在某个山边拍摄，旁边背景都是些绿色的草坡；从下而上的拍上去，山坡旁边，是根根高高瘦瘦的银色灯柱。
呢条灯柱系我地系中大入面影既，阿信一边解说，一边用两只指头向外拉划，把照片放大，
蓦地，照片给放大了好几倍；阿信不断用指头移动照片焦点，往一个银白色的反光物体上拉去，
亳无疑问，就是灯柱上面的那个不知明的金属物体没错。
就在此时，放大了好几陪的图像，让我清楚看见，那银色的金属物体上，好像有点什么，
喂喂喂，屌咪郁住先！好似…好似有啲咩野系上面咁既？小巴司机疑问。
系喎，又系喎，个银色野上面，好似，睇下先，旧银色野个边边位果度，好似，好似写咗啲野喎，中年男子应道。
对，没错，