阿信给我紧紧揪住,直视着我,我实在看不清,此刻的他,到底是在害怕,还是在盘算着些什么…?
未几,阿信,松开脸额上紧皱着的眉头,缓缓吐出口气,道:
Sorry。
……
…?
完全没有预计到他会突然道歉,我一时间听不懂阿信这句话的意思。
然而,没待我继续疑惑下去,阿信又已开口说道:
将你地拉哂落水…对不起…
我用力揪着阿信,右手挥手指向地上的尸体,嚷道:
…对不起…对不起?佢地人都死埋,你先讲对不起?佢地毎一个究竟系为咩而死啊…嗄?
阿信看着我,突然摇了下头,静寂道:
…并唔系为咗啲咩而死…而系,…死,…系呢个地方…相信都系迟早既事…佢地系咁,我地,…都会系咁。
听到此时,站在旁边的中年男子立即惊讶响应道:
嗄?我…我地会同佢地一样…死哂?…点解?
阿信转过头来,看着中年男子,道:…我唔知。
说完,阿信的嘴角突然莞尔微笑…
…够了!
我快速把阿信拉近,右手握拳,使劲的向前挥出,重撃在他的腹部上。
…啊!阿信应声叫痛。
你唔知?你搞咁多野出黎都仲话唔知?你唔捻好当我地傻先得架!我向着阿信脸上大声吼道。
只见阿信双手抱着腹部,一脸痛苦的轻声呻吟着,喊道:
…我真系唔知啊!我真系咩都唔知!如果我知,一早讲哂比你地听啦!…所…所有野,都系佢讲比我听架乍!
佢?…边个?身旁的中年男子完全在状态外。
…系咪Major Tom?系咪Major Tom主使你去叫我地上山?点解?我把我的猜测说出。
阿信回过头来,看着我,先是犹豫了下,然后开口缓缓道:
…唔系话主唔主使,而系…咁样做,对双方都有利,Reset Major Tom既成个系统,先系我地可以逃生既唯一方法…
…咪住先,果个咩Major Tom叫你…去叫我地上山,系既就系帮佢玩踩地雷?点会啊…仲有,点解佢玩赢咗系无用,输咗先有反应?中年男子连环问道。
阿信迟疑,摇了下头,又道:…我唔知。
听罢,毫无犹豫的,我再次握紧了拳头,嘭一声的撃在阿信的肚皮上。
…又唔知?嗄?唔知你又玩?仆你个街!我大声喊道。
中年男子再次按住了我的手,小声道:
…头先佢都玩咗好耐…或者佢真系唔知呢…
只见给我揪着的阿信正愁眉苦脸的,痛苦呻吟着:
我…我真系唔知…我上大帽山都剩系想救到我地架乍…我真系唔知!佢话只要将佢重新reset一次…一切就会回复正常,我地就可以同外界联络到,搵到救援!
我放开双手,任由他继续在那边痛苦呻吟着…
好啊,你咩都唔知,但你至小会知道关于Major Tom啲野喇,系咪啊?咁你答我啊!Major Tom究竟系乜捻野黎架?你之前话果啲咩磁场引力啊果啲呢?嗄?点解上到去又完全无哂件事!
阿信完全不是挨打的料,只见他弯下了腰,辛苦喘着气,道:
…唔…唔系,指…指南针。
…指南针?
…他是说,我们手机里面的那个,虚拟指南针吗?
我和中年男子立即从口袋中拿出手机,解锁,在屏幕上选出指南针分页…
熟悉的画面中,液晶体显示器虚拟出来的白色圆形指南针,正歪歪斜斜的旋转着…
未几,指针终于停了下来,配合着红van车箱的晃动,摇曳的指向着我们的,正左方。
?
首先开口的是中年男子,只见他伸出了右手,指着外面快速退后中的山景,紧张道:
…咪…咪住先!我地架车宜家行紧荃锦,行紧返大埔方向…左边既话,应该真系深玔,系北边喎!唔系话条指南针系指向大帽山山顶既咩!点解会咁架?
我再次低头,看着手机屏幕。
画面中的那根指针,确实是指着我们的正左方没错…
的而且确,那是真真正正的,正北。
阿信此时已经喘过气来,在原本属于Yuki的位子上,一脸疲惫的坐了下来:
…磁场、能力场、所有所有…唔系话突然间无咗件事……而系,根本由头到尾…呢几样野都唔存在…
我看着阿信的脸,无尽疑惑…
…点解?咁之前枝针点解会系指住…大帽山?仲有你果啲咩相对论…究竟系咩一回事?我疑惑问道。
只见阿信叹了口气,两眼没所谓的看着我们,道:
…系你地想象中…阿信,我,系咪一个全知既人?
我看着他,一时间听不懂他到底在说些什么。
…你地系咪觉得,系成件事入面,我系有份?…你地系咪认为我咩都知道哂,我系内奸,什至系同果啲日本人一伙?
说罢,阿信沉默了起来,静寂地看着我们。
我看着阿信,迟疑的点了下头。
旁边的中年男子,犹疑了下,然后也点了下头。
唯独Yuki没有反应,不知所措的左盼右顾。
哔哔哔哔哔……
车顶的车速显示器没有间断地响着。
此时红van正以不可思异的速度下山;沿着空无一人的荃锦公路,我们拐过一个又一个的发夹弯…
公路右边,再次出现了解放空军石岗军营;在那橘红色的路灯照射下,里面还是没有一个人,依旧诡谲。
大概是上天祝贺我们终于成功逃离了大帽山,车窗外的雨点逐渐变小了。
我深深的吸了口气,看着座椅上的阿信,问道:
…所以,你唔系内奸?
阿信安静的看着我,缓缓摇了下头,说道:
…唔系,我唔系。
说罢,他顿了一顿,又再补充:
…我同你地一样,只系成件事入面既其中一个受害者;老实讲,我甚至唔比你地知多好多野……我只系知道几样野,呢个地方唔系我地原本既屋企,我地根本就唔属于呢度。同埋,如果继续留系度,我地一定会好似其他人咁,逐个逐个死去…
点解?…点解我地会遂个遂个死?…系咪真系有病毒?我反问。
…我唔知…或者你地唔信,但系我真系唔知。我所知既一切一切,全部都系佢…即系,你地所讲既Major Tom…同我讲既。我地唔系呢个世界既人,我地唔属呢度,呢度好危险,我地要尽快逃走…呢啲,都系佢同我讲既…仲有,
仲有咩?佢仲同你讲咗啲咩?系咪同阿萍有关架?中年男子插问道。
阿信停住,摇了下头,道:
…唔系…好遗憾,我真系唔知点解你会系个雪花度见到你前妻…正如我系啲雪花度,都见到我细过养过既果只狗…而Peter就见到旧时考a-level listening既情形…对于点解会见到我地以前既野…好对不起…我真系唔知…
…仲有咩?Major Tom同你讲咗啲咩?我听着阿信的解释,急不及待问。
不知何解,我总是觉得他的说话里,那儿怪怪的…
阿信转头看着我,轻呼了口气,道:
佢仲话…果啲防毒面具人,同我地一样,都系唔属于呢个世界既人…而且,佢地非常危险…上大帽山Reset成个system呢件事…第一,唔可以比你地知道…第二,更加重要既系…唔可以比果班…日本人知道…当然,好遗憾…呢两样野都已经失败哂。
……非常危险?
他们到底是谁,干嘛会非常危险?
还有…干嘛不可以告诉我们?干嘛要隐蔽?
……点解系危险?点解唔可以比我地知…?我疑惑问道。
然后,才刚把话说出口,我突然想到,阿信的解释到底那里怪了…
阿怡!
我连忙开口补上:
咪住先!…如果你讲既果啲咩相对论,咩能量场,全部都真系唔存在既话…咁你点解释阿恰!点解阿怡同我讲既野入面,都提及过大帽山呢样野?点解呢个唔属于我地既世界…同外面系差距咗…六年?
然后,就在此时,阿信突然转过头来,直视着我。
我正以为他要开口答我问题,却见到他紧皱着眉头,一脸疑惑的跟我对望着…
阿池…他竟开口叫嚷我的名字。