【欢迎关注佳人微信】佳人网的老朋友新朋友,点这里扫一扫,即可第一时间免费获取文章更新~
只为认真做自己

那夜凌晨,我坐上了旺角开往大埔的红van

我无奈点头道:

唔止,根据yuki既翻译,条友仲自称系我小学同学,细个同我一齐玩既老朋友添…

白粉友傻了眼的看着我和yuki,似是难以明白我刚刚说的到底是什么。

这我不怪他,毕竟不只他,就连我自己本人,也难以明了那晚胎记仔说的到底是指什么…

可怜的胎记仔,居然会在24小时内,给两帮不同的人痛揍了一顿…先别问他到底是什么人,可就看现场所发生的事,我能断定,他天生定是个不幸的人没错。

…你小学同学?

白粉友瞪大双眼,夸张地看着我:

佢连中文都唔捻识喎!边有可能系你小学同学?你细个系日本生活架咩?屌,原来你架仔黎啊?

我连忙挥手,否认道:

莫讲话你,连我自己都唔知条友究竟讲紧咩…我一出世就已经系大埔住,廿几岁人,都系前年先第一次同女朋友去东京旅行,个架仔系我小学同学…真系仆佢个街,原全无可能!

我侧过头来,定眼看着白粉友,想象着他痛欧防毒面具人时的狂暴情况;顿了一顿,又问:

所以,你除左佢个防毒面具,之后呢?迫佢供啊?就系佢叫你黎『那打素』既?

白粉友举起右手,先是用食指搔了搔自己的鼻尖,双眼没劲的看着我:

…屌,咪住先,如果佢真系你小学同学,就大柠乐喇…

我奇怪,皱着眉头,看着他,问:

…点解?

只见白粉友点了下头,一脸不好意思的说道:

…因为?因为我杀左佢。

************************

正确啲讲,我已经杀左佢。

当我除低佢个面具时,面具背后,佢已经成块面都系血。

我谂我打得太激,佢顶唔顺就已经系个面具入面狂呕血,成块面同成个面具都系血…顶,谂番都觉得核突。

我弯低身,好奇望住佢,佢又训左系个地下度,一脸痛苦咁望住我。

除左佢面具先发觉,原来佢咁后生,开头仲以为佢系个中坑添。

我果时仲好奇怪,点解佢脸上面啲血有两只色…睇落先发觉,原来后面深色果啲唔系血,而系一哒好大块,形状好似澳洲板槐大陆咁既枣红色胎记。

呢个时候,条友成口血丝,不断系度大嗌:

xxxxxxxxxxxxxxxxxxx!

我企返起身,居高临下望住佢:

你悭啲啦,我唔识听日文架!

讲完,我骨吐一声,吐左啖口水落佢度;佢无理,继续大声嗌:

xxxxxxxxxxxxx!xxxxxxxxxxxx!

我大力踢左佢一下,大声闹:

屌你我都话唔捻识听啰,听唔明啊仆街!

然后,我唔知佢系识听我讲野定点,佢突然转channel,成口血丝,劲虚弱咁同我讲:

…in…in…si…de…in…si…de…

Inside?

乜捻野inside啊,噏乜啊?我大声问。

IN…SI…DE…!IN…SI…DE!

佢嗌得声嘶力竭,举高右手,指住自己件西装外套…

IN…SI…DE…!IN…SI…DE…!IN…SI…DE!

我皱皱眉头,再次弯低腰,用手揭开佢件西装外套,睇下佢究竟系度指紧啲咩…

…唔知点解,佢只西装质料同平时西装既布料,感觉上好唔同…佢果件只料好似厚好多,线手好多…

哗…你着住件咁厚既衫,唔捻热架?

就系呢个时候,系佢西装既内侧位置,我见到一部银白色既长方形仪器…

Ipad?

真系啊,果部野真系好似Ipad,又系一个薄薄地既长方形,上面一大个mon…

我黎手就攞起左部Ipad,揸住黎研究…

xxxxxxxxxxxxx!xxxxxxxxxxxxx!

条友又系度继续9叫。

我无理到佢,直接系部Ipad下面个圆形制度,拑左下。

部机个mon本来都系黑色无野既,但当我一拑,就好似正常Ipad咁,即刻着左。

之后,你地估我见到啲咩?

个mon一着左,上面系一张又一张既相!

唔系边个…而系我地自己既相啊!

真系啊!拿,入面有我就唔再讲啦,亦都有哥仔你啦,司机大佬你啦,靓女你啦…仲…仲有全部人!

屌,总之成捻架车都有系度啦!

我真系数过,果度总共有成17张相,全部都系彩色,好高清既相,就咁好似人地啲证件相咁,影住我地个样。成架小巴既乘客,夹埋司机你,岩岩好17个!

毎幅相下面都写左几行既文字,里面又夹杂左啲数字…不过仆佢个街,全部都系日文,我睇唔明。

但呢啲都唔系重点,重点系,果17幅相,咪话全部系彩色高清既证件相黎既…问题系,系3张相上面,竟然打左个黑色大交叉…

我开头都唔明到底系咩意思,但我睇真啲,发现公园入面见到既一男一女,即系死左果一男一女呢…佢地幅相都打左个黑色大交叉!

一见到咁,傻既都知,个黑色交叉代表果啲人已经死左!

呢班防毒面具人到底系咩人,点解佢地会有哂我地啲相!仲有,点解佢地要整张list出黎,一个一个咁杀?

…大屠杀?

讲时讲,我地身体入面会唔会真系好似做戏咁,比人装左个体内引爆器,只要佢地一拑制,我地就会成个人爆开,仆街陷家产?

如果系咁我地就玩捻完架喇喎?

然后,就系呢个时候,个日本仔又突然嗌左句野…

NE…THE…NE…THER…SOLE!NE…THER…SOLE!

我望住佢,完全唔明佢究竟系度噏紧咩:

咩话?你讲咩话?

NE…THER…SOLE!NE…THER…SOLE!佢成口都系血丝,嗌得声嘶力竭。

我当时真系听唔明佢究竟系度讲紧咩,Nethersole原来就系指那打素,我都系后来先明白…

就系呢个时候,我突然留意到,个日本仔既左耳,原来带住个黑色耳机…系啊,耳机,就好似啲阿叔系马会外面听马咁,挂住部黑色单边耳机!

NE…THE…NE…THER…SOLE!NE…THER…SOLE!

顶,原来个架仔根本唔系同我讲紧野,而系用紧个耳机同人沟通…

求救?

我当堂把鬼火,行上前快手将佢个耳机随落黎…

顶你个肺,call马?嗄?死到临头仲学人call马?

我丢左部Ipad,拾番起枝剪锁器,谂住再欧多两野佢叹…

************************

等等,好捻有问题!

听到此时,小巴司机突然举手道;白粉友立即停住,大伙儿转头看着他。

…屌你…我唔知系你搞错定我地搞捻错左啦…

小巴司机侧着头,边搔痒边说:

但如果真系好似你咁讲,对番条时间线…下昼成1,2点果时,我地应该仲系宝乡道间茶餐厅度喎!果时我地连大帽山都未上,个日本仔点捻解会知道落黎之后会炒车,点捻解知道阿信会要黎那打素止血?

我听着小巴司机的话,微微点头。

对,小巴司机说得有理;他这番话,应该是这三天两夜以内,除了爆粗外,说过最有建设性的话。

是的,没错,那是今天下午的事。

那时候,我们大伙儿还身在宝乡街的茶餐厅内,听着飞机昱的奸尸告白,什至连大帽山也还没决定要上…这小学老朋友,怎么可能会知道我们将会发生的事?

那打素这只字…到底是怎样来的?

发表评论

电子邮件地址不会被公开。 必填项已用*标注

您可以使用这些HTML标签和属性: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

插入图片
▲回顶部