当我想到这里，一阵熟悉的争执声音，蓦然从我心底翻起…
那是…才几个小时前所发生的事…
…茶餐厅内，给中年男子揍到头破血流的飞机昱，正趟于格仔纸皮石的地板上，自己的血泊中，奄奄一息。
我激动冲往桌子那边，推开几个人，直至来到小巴司机旁边停下。
我猛烈揪住了他，大声问道：你今日有无渣车黎啊？有无啊仆街？答有啦！
小巴司机先是呆了一呆，似是给我突然冲来抓住他的这个行为吓倒了。
有…我有揸…
我急忙指着远方地上正在流血的潮童，向小巴司机喝道：
咁仲等咩啊？快捻啲渣架车过黎，车佢去医院啊！去那打素啦！快捻啲啊仆街！…
？
…难道，是那时候？
白粉友说那个日本人正听着什么耳机…难道他正在远距离的窃听着我们的对话？时间上，完全吻合！
唔捻系啊？个日本仔一路听紧我地讲野啊！
我情不自禁的诧异叫了出来，大伙儿立即转头看着我…
嗄？咩话？白粉友莫名奇妙。
个耳机啊！条友一路偷听紧我地讲野啊！果时个MK比你地打到仆街，训左系地度，流哂血…我先系咁话要车佢去那打素！顶，我谂个日本仔用啲唔知咩方法，听到我地讲野！我激动叫道。
…监…听？…仆佢个街…窃听风云？顶，会唔会真系比你讲中左，我地身体入面系有个偷听器？
小巴司机面如铁青，边问边举高双手，尝试察看他的手臂有否给人植入了点什么。
我先没理会小巴司机，径自步上前，向白粉友问道：
咪住先，你讲埋落去…之后又点？点解你最后又会黎左那打素？
************************
我拾番起枝剪锁器，行左去佢隔离，谂住再欧多两野佢叹。
NE…THE…NE…THER…SOLE！NE…THER…SOLE！佢不断声嘶力竭咁嗌。
我望住佢，正准备举起枝剪锁器，给予佢最后既致命一撃时，突然谂到啲野…
咪住先，咪住先…
我部电话入面，好似有翻译器呢个apps喎！
屌！点解唔早少少谂起？
我即刻系裤袋入面拎左部电话出黎，解锁，开左个翻译器，输入英文：
who，are，you
我将个翻译语言set左做日文，然后放段声佢听…
xxxxxxxxxxxxxxxxxxx
生硬而冰冷，个apps原来系女黎。
条友见到我咁样做，好似无咩反应，依然故我，继续用佢自己既沟通方法黎大吵大闹…
xxxxxxxxxxx！xxxxxxxxxxxx！xxxxxxxxxxxx！
我即刻录低佢段野，翻译出黎…
Don’t kill Don’t kill Please Don’t Kill
见到句咁既野，我即刻屌番转头：
唔好杀你？顶你个肺，咁点解你班人又要追住我地黎打啊？嗄？你地究竟系咩人，点解要追杀我地？
然后，佢成口血丝咁又爆左句：
xxxxxxxxxxxxxxxxxxxxxxxx！xxxxxxxxxxxxxxxxxxxxxxxx！
我即刻将段声录低，翻译…
I am on the good side We are the good guys You evil murderer
屌，噏乜柒啊？
与此同时，条友又突然嗌左句新野：
Nethersole xxxxxxxxxxxx！xxxxxxxxxxxxxxxxxxxxxxxxx！Nethersole xxxxxxxxxxxx！
我虽然唔识日文，但都听得出，呢句野同之前唔同，因为入面多左只英文字；
我又即刻将佢录低左，翻译…
Meetup at Nethersole Rest of them will be there Nethersole meeting place
要知道，我当时仲未明Nethersole原来就系指那打素既意思，所以对于当时既我黎讲，胎记仔既呢段说话，系完全听唔明…
顶你个肺，有翻译机系度都可以讲到一pak屎咁，你食捻屎喇！我激动闹。
我把鬼火，正想再录啲咩比佢听果时…
突然感觉到，有野链住左我条颈！
啊啊啊啊啊啊！
仆佢个街，条日本仔一路大嗌，一路劲用力咁揸住我条颈…口入面既血丝，已经全部喷哂落我度。
我估唔到佢会突然咁癫，连手上面揸住既手机都跌埋落地…
啪喇…！
我尝试挣扎，但佢实在链得太用力，我就快连气都透唔到；我成个人跌左系地下，块脸上面全部都系佢啲仆街血丝…
xxxxxxxxxxxxxxx！xxxxxxxxxxx！xxxxxxxxxxxxxxxxxx！
佢失哂控咁不断大嗌。
我双手不断系地下度摸，尝试睇下有无咩可以用黎反撃…
千钧一发间，我摸到枝冷冰冰既硬物…
剪锁器！
我即刻拾起枝剪锁器，握紧，大力欧落佢个头度…
卜。
闷实而沉重既一下撞撃声。
我感觉到链住自己既果双手变得无力，慢慢松开…握住剪锁器只右手手指，感到有啲冰冷。
我起身，拾起剪锁器，发觉原来枝剪锁器已经插左系个胎记仔既天灵盖度…
剪锁器系我唯一既旁身武器，我唔可以就呾放低佢。
蚊出枝剪锁器既果刻，胎记仔头上既血把把声涌出，血流如泉，沿住枝剪锁器既柄，一路流落我只手。
我两只手掌，一早已经比佢染到成块都系鲜红色…
仆街，我一野扑死左胎记仔。
太阳光下，望住佢死唔眼闭既样，佢自己既鲜血不断冲洗紧佢自己块面…我呆滞咁企系原地，难以接受我岩岩杀左一个人既事实。
但系毕竟都叫做死左人，其他防毒面具人可能会好快收到风杀到，继续留系原地唔系明智既决定。
为免比其他防毒面具人见到，我无将佢条尸就咁放系路中心，而系快快手拖左佢入隔离一条巷…我返转头，谂住执番部手机，发觉原来已经跌到碎哂…我屌，早知买NOKIA。
我决定立即离开波鞋铺，离开广福里，快快趣趣去茶餐厅，求其攞啲野食就立即返归。
我沿住乡事会道一路向前跑，经过新街市，心入面一路祈求，希望间茶餐厅真系有开…
终于，就系乡事会道街尾，我见到一间残旧既茶餐厅，门口着紧橙红色既灯光…
屌老母芝士汉堡，真系有开！
我劲激动咁冲左入间茶餐厅，就系拉开玻璃门既果一刻，先突然发觉，就连呢间茶餐厅都有啲唔妥…
我见到茶餐厅中间最大既果张圆枱，佢周围既所有凳都比人搞乱哂…枱面上仲放哂啲食剩同饮剩既杯碟…
好明显，曾经有人黎过！而且，仲系无耐之前！
见到咁既情况，我当堂惊左惊，淆哂底，下意识觉得呢度就系果啲防毒面具人既聚集基地…
佢地走左无耐…好有可能仲系附近！唔系，好有可能就系因为听到个胎记仔既求救，知道佢比我袭击，所以先临时出哂去！
今次食屎喇，佢地一定系度搵紧我！
我谂都唔谂，即刻冲左去门口块玻璃前面，求其拎左啲苹果派，鸡批啊果啲 （当时玻璃架上已所剩无几，相信系啲仆街防毒面具人食哂），求其将佢地摆捻哂落个盒度，入胶袋，即刻推门走…
我成手都系血咁拎住袋饼，穿过宝乡街，沿住南盛街咁一路向前跑…跑回家。
…屌你老尾，我落街谂住搵野食啫，点捻知道连人都杀左个！
当我返到屋企果时，外面个天都已经黑黑地…
我开头仲奇怪，点解今日太阳会收皮得咁快，点知一睇，先发觉原来外面个天已经灰哂，好似积聚紧啲污云咁，一阵山雨欲来既感觉…
我企系个厅，望住成个胶袋都系我自己既血手印，当堂无哂胃口，连野都唔捻想再食。